ژمارە ٤٣٧
بەروار ٢٥ / ٧
/ ٢٥ [ ١٧ – ی ئۆکتۆبری ١٩٤٦ ]
ئێمبلێمی ئەنجومەنی
کوردستان
مەبەست ...
لەگەڵ ....
ئاغای هاشم مووسا
زادە ڕەئیسی سەبتی ئەسناد و ئەملاک ی مەهاباد
جوابی ٢٢١ /
٢١ / ٧ / ٢٥ [ ١٣ی ئۆکتۆبری ١٩٤٦ ]
لە سەر تەسویبی هەیئەتی موحتەڕەمی ئەنجومەنی کوردستان لە بەرواری هەوەڵی مورداد مانگی ١٣٢٥ حقووقی مانگانەی ئێوە بە یەکسەد و پەنجا تمەن (١٥٠٠) ڕیاڵ تەرەقی پێ دەدرێ کە لە پاش دەفعی کەسری موقەڕەری لە ئیدارەی
دارائی قابیلی پەرداختە. پێویستە با کەماڵی جیدییەت و سەداقەت دە ئەنجامی ئومووری
موحەوەلە دا جیدی و ساعی بن.
ڕەئیسی دەفتەری ئەنجومەنی کوردستان خاتەمی
ئیمزا ، مۆری وەزارەتی داخلە ، مەهاباد
١٣٢٥
تێبینی حەسەن قازی: دۆزرانەوەی ئەو بەڵگەیە هەتا بڵێی گرینگە چونکە
لە بەڵگەکان و چاپەمەنی حکوومەتی میللی
کوردستان دا کە هەتا ئێستا دۆزراونەتەوە و بە دەست ئێمە گەیشتوون بەڵگەیەک بە ناوی ' ئەنجومەنی کوردستان ' نابیین
. مەبەست لە خاتەمی رەئیسی دەفتەری
ئەنجومەنی کوردستان دەبێ خودالێخۆشبوو
حەمەدەمین خاتەمی بێ.
لە دوای ' رێکەوتنی' حکوومەتی قەواموسەلتەنەوە و حکوومەتی نیشتمانی ئازەربایجان و بڵاو بوونەوەی ڕێکەوتنامەی پیشەوەری – فیرووز لە ٢٣-ی جۆزەردانی ١٣٢٥ [ ١٣-ی ژووەنی ١٩٤٦] کە وەک بەڵگەیەک داندرا بۆ تەکمیلی ئیبلاغییەی ٧ مادەیی دەوڵەت سەبارەت بە ئازەربایجان کە بە ئیمزای قەواموسەلتەنە لە ٢-ی بانەمەڕی ١٣٢٥ [ ٢٢ی ١٩٤٦ ] بڵاو ببووە هاتووە: " بە پێی ئه‌و قانوونه‌ی له مانگی ره‌بیعولسانی ساڵی 1325ی مانگی دا په‌سند کراوه و ئه‌سڵه لێ زیادکراوه‌کانی 29 ، 90 ، 91 ، 92 ، و ئه‌و ده‌سته‌ڵاتانه‌ی که بۆ ئه‌نجومه‌نه‌کانی ئه‌یاله‌تی و ویلاته‌تی له به‌ر چاوی گرتووه،سه‌باره‌ت به ئازه‌ربایجان ئه‌و بڕیاره به‌شێوه‌ی خواره‌وه ڕاده‌گه‌یندرێ و په‌سند ده‌کرێ ..."
لە دوای ' رێکەوتنی' حکوومەتی قەواموسەلتەنەوە و حکوومەتی نیشتمانی ئازەربایجان و بڵاو بوونەوەی ڕێکەوتنامەی پیشەوەری – فیرووز لە ٢٣-ی جۆزەردانی ١٣٢٥ [ ١٣-ی ژووەنی ١٩٤٦] کە وەک بەڵگەیەک داندرا بۆ تەکمیلی ئیبلاغییەی ٧ مادەیی دەوڵەت سەبارەت بە ئازەربایجان کە بە ئیمزای قەواموسەلتەنە لە ٢-ی بانەمەڕی ١٣٢٥ [ ٢٢ی ١٩٤٦ ] بڵاو ببووە هاتووە: " بە پێی ئه‌و قانوونه‌ی له مانگی ره‌بیعولسانی ساڵی 1325ی مانگی دا په‌سند کراوه و ئه‌سڵه لێ زیادکراوه‌کانی 29 ، 90 ، 91 ، 92 ، و ئه‌و ده‌سته‌ڵاتانه‌ی که بۆ ئه‌نجومه‌نه‌کانی ئه‌یاله‌تی و ویلاته‌تی له به‌ر چاوی گرتووه،سه‌باره‌ت به ئازه‌ربایجان ئه‌و بڕیاره به‌شێوه‌ی خواره‌وه ڕاده‌گه‌یندرێ و په‌سند ده‌کرێ ..."
ئیدی لە ئازەربایجان ناوی ' میللی حکوومەت ' دە
کار نەکرا ، ناوی وەزیران کرا بە ڕەئیس و دەوڵەت قبووڵی کرد مەجلیسی میللی ئازەربایجان
تا هەڵبژاردنی دواتر وەک ' ئەنجومەنی
ئەیالەتی ' کار بکا . دوکتور سەلاموڵای
جاوید وەزیری کار و باری ناوخۆی ئازەربایجان کرا بە ئوستانداری ئازەربایجان و شا
ئەو حوکمەی ئیمزا کرد و عینوانی عەلی شەبوستەری سەرۆکی مەجلیسی ئازەربایجانیش کرا بە سەرۆکی مەجلیسی ئەیالەتی.
بە پێی نووسینێک
کە 'نامەی دونیا' چەند ساڵ دوای نەمانی جمهووری کوردستان و حکوومەتی میللی ئازەربایجان بڵاوی کردووەتەوە
( سەفەری قازیی محەمەد بۆ تاران بۆ دیدار
لەگەڵ قەواموسەلتەنە، ژمارەی ٣٨٥ ، ٢٦ ی سەرماوەزی ١٣٣٤ (١٨ی دیسامبری ١٩٥٥) "پێوه‌ندییه‌کانی دوکتور جاوید له گه‌ڵ
قازیی محه‌مه‌د هه‌روا به‌رده‌وام بوو. دوکتور جاوید بۆ جێبه‌جێکردنی کاره‌کانی ئه‌ستانداریی
[ئازه‌ربایجان] له تاران مابووه‌وه، زۆربه‌ی رۆژان له هۆتێلی ده‌ربه‌ند و یان
له ماڵی سه‌در قازی که له موعێزولسوڵتان هه‌لکه‌وتبوو ، نانی نیوه‌ڕۆی له گه‌ڵ
قازیی محه‌مه‌د ده‌خوارد و وتووێژی سیاسی دەکرد. بە کورتی چالاکی دوکتور جاوید کە
بە ڕواڵەت دژی حکوومەتی تاران بوو ، بووه هۆی ئه‌وه که قازیی محه‌مه‌د ئاماده
بێ کوردستان بخرێته سه‌ر کۆماری ئازه‌ربایجان و له مەهاباد به پێی پێشنیاری
قازی، فه‌رماندارێک دیاریی کرا و به ڕه‌سمی ده‌ست به کار بوو. وه‌ک فه‌رمانداری
مهاباد، سه‌یف قازی وه‌زیری هێزی کابینه‌ی
قازیی محه‌مه‌د داندرا و ده‌ستبه‌جێ له لایه‌ن دوکتور جاویده‌وه به وه‌زاڕتی
کیشوه‌ر [نێوخۆ] ناسێندرا و حوکمی فه‌رمانداری وی به ئیمزای فه‌ره‌یدوونی که‌فیلی
وه‌زاڕه‌تی کیشوه‌ر ده‌رکرا و ڕاگه‌یێندرا" .
بەڵام ئەگەر چاوێک بە ژمارەکانی ڕۆژنامەی کوردستان لە دوای ئەو ڕێکەوتن و دیدارانە دا
بخشێنین سەرەڕای 'پێکهاتن ' لەگەڵ
حکوومەتی ناوەندی هێندێک ناڕوونی دەبینین بو وێنە
ناوی سەیف قازی وەک ژەنەراڵ سەیف قازی هاتووە و یان ناوەرۆکی ڕۆژنامەی
کوردستان و ویژایکی لە دوای ' پێکهاتن '
لەگەڵ ڕابردوو جیاوازییەکی ئەوتۆی نەکردووە. لەم سەنەدەش دا هەمان ئێمبلێمی حکوومەتی
کوردستان دەبینین. ڕوون نییە مەبەست لە
ئەنجومەنی کوردستان ' ئەنجومەنی
ئەیالەتی کوردستان ' ە یان چی؟ ئەوە
دەزانین کە پێشەوا و ڕێبەرایەتی حیزبی
دێمۆکڕاتی کوردستان پێشنیاری یەکگرتنەوەی هەموو ئەستانە کوردییەکانی ناو
ئێرانیان داوە بە حکوومەتی ناوەندی.
سپاس بۆ بەڕێز فەرەیدون حەکیمزادە کە ئەو بەڵگەیە لە دیواری فەیسبووکی بەڕێزیان وەرگیراوە. کاک فەرەیدوون سپاسی بنەماڵەی مووسازادەی کردووە کەئەم بەڵگەیان لە بەر دەست ناوە.
سپاس بۆ بەڕێز فەرەیدون حەکیمزادە کە ئەو بەڵگەیە لە دیواری فەیسبووکی بەڕێزیان وەرگیراوە. کاک فەرەیدوون سپاسی بنەماڵەی مووسازادەی کردووە کەئەم بەڵگەیان لە بەر دەست ناوە.
۱ نظر:
دەست و چاوت خۆش مامۆستا گیان. بەڵگەیەکی زۆر دەگمەنە و من وەک خۆم یەکەمجارە ناوی (ئەنجومەنی کوردستان)ی سەردەمی کۆماری کوردستان دەبیستم. پێش ئەوەی بابەتەکە تەواو بخوێنەمەوە لام وابوو کە مەبەست لە ئەنجومەن پرلەمانە بەڵام دوواتر تێگەیشتم کە بابەتەکە شتێکی جیاوازە؛ و لە راستیدا نیشاندەری ئەوەیە کە پێشەوا و رێبەرانی کۆمار زۆ زیرەکانە کاتێ هەستیان کردووە دۆخەکە دەگۆڕێت، هەموو هەوڵی خۆیان داوە بۆ بەدەسهێنانی لانیکەمی مافەکانی کورد، بەلام دەسەڵاتی تاران بە هیچ شێوەیک نەهاتووەتە رەدایە و ددانی بە مافەکانی کورددا نەهێناوە.
ارسال یک نظر