به‌ڵگه‌نامه‌یه‌کی کۆماری کوردستان
عه‌بدوڵڵا سه‌مه‌دی
ئه‌م به‌ڵگه‌نامه‌یه بریتییه له نامه‌یه‌کی فه‌رمیی ئیداره‌ی فه‌رهه‌نگی کوردستان به ئیمزای ''دڵشاد ڕه‌سووڵی'' که له 12ی خه‌رمانانی 1325ی هه‌تاوی، ڕێکه‌وتی سێ‌شه‌مۆ 3ی سێپتامبری 1946 بۆ مامۆستا مه‌لا حوسێنی گڵۆڵانی و هه‌روه‌ها ده‌سته‌یه‌ک له ڕۆشنبیران و مامۆستایانی خوێندنگه‌کانی کۆمار ناردراوه و داوایان لێکراوه بۆ سێ ڕۆژی داهاتوو له شوێنێکی دیاریکراو کۆ بنه‌وه و له بابه‌ت ڕێوشوێنی ده‌رس‌دان و شێوازی وانه‌‌گوتنه‌وه قسه و لێدوان بکه‌ن. مامۆستا مه‌لا حوسێنی گڵۆڵانی زانایه‌کی ئایینیی ناسراوی مه‌هاباده، له 1904 له‌دایک بووه و له 1972 کۆچی‌دوایی کردووه. گه‌لێک خزمه‌تی به که‌ڵکی ئایینی و زانستی کردووه. ساڵی 1944نوسخه‌یه‌کی هۆنراوه‌کانی ''سه‌یفولقوزات''ی به خه‌تی خۆی کۆ کردووه‌ته‌وه و پاراستوویه‌تی، مامۆستا ئه‌حمه‌دی قازی هه‌مان نوسخه‌ی له 1982 له تاران چاپ و بڵاو کردووه‌ته‌وه. ئه‌م به‌ڵگه‌نامه‌یه‌ش له لای به‌ڕێز ''جه‌عفه‌ر سادقی گڵۆڵانی'' کوڕی گه‌وره‌ی مامۆستا پارێزراوه و کاتی خۆی کۆپییه‌کی داوه به ''سه‌ید محه‌مه‌دی سه‌مه‌دی''. لێره‌دا سکێنی عه‌ینی بهڵگهنامهکه بڵاو ده‌که‌مه‌وه.
له خه‌زه‌ڵوه‌ری 2001 ئه‌م به‌ڵگه‌نامه‌یه‌م وه‌ک پاشکۆی وتارێکم به ناوی: ''ده‌ستنوودێکی کۆن و هه‌ندێ هۆنراوه‌ی بڵاونه‌کراوه‌ی میرزا سه‌لیمی سابڵاغی'' بۆ گۆڤاری سروه نارد له وتاره‌که و بهڵگهنامهکه له ژماره 184ی هه‌مان مانگدا بڵاو کرایه‌وه، به‌ڵام درۆشمه‌که‌ی له سه‌ر سڕابۆوه و هه‌ندێکیش ورد کرابوویه‌وه و که‌ڵک لێوه‌رگرتنی تا ڕاده‌یه‌ک دژوار بوو. له به‌ر گرینگیی بابه‌ته‌که، ئه‌وه پاشی یازده ساڵ، سه‌رله‌نوێ بهڵگهنامهکه به شێوه‌یه‌کی ڕێکوپێکتر و ڕوونتر و لێدوانێکی زیاتر بڵاو ده‌که‌مه‌وه.
قه‌واره: 21 له 17 سانتیمیتر
ده‌قی بهڵگهنامهکه [به بێ ده‌ستکاریی ڕێنووسه‌که‌ی]
له لای ژووروو: درۆشمی کۆماری کوردستان – اداره‌ی فرهنگی کوردستان – شاری مهاباد
له لای ڕاست: دایره‌ی / موضوع
له لای چه‌پ: ژماره..../ برواری..../ په‌یو‌ند....
پارافی ده‌ستی: 1531 – 12/6/25
آغای حسین گلولانی
بنا به ده‌ستوری پیشه‌وای معظمی کوردستان و نظر به وه‌ی که آغایانی معلمین و معلمات بتوانن له زانستی یه‌کدی استفاده بکه‌ن بو ئه‌وه‌ی ارتباطیکی کامل له نیوانی کارمه‌ندانی فرهنگ په‌یدا بیت و ری‌و شونییکی عمومی و مرتب بو طرزی تدریس دابندری اداره‌ی معارفی کوردستان له جه‌نابت ده‌عوه‌ت ده‌کا که روژی جمعه ساتی 9 15/6/25 له سالونی اداره‌ی معارف تشریفت حاضر بی و بو تشکیل دانی کنفرانس سه‌ره‌وه برنامه‌ییکی مرتب دابنین –
معاون فرهنگ کوردستان – دلشاد رسولی
مۆر: اداره معارف و اوقاف مهاباد 1315
ئیمزا
محەمەد(دڵشاد)ی ڕەسووڵی م.نادری -٧٦ لە دامەزرێنەرانی کۆمەڵەی ژێکاف و لە نووسەرانی گۆڤاری نیشتمان، ئەندامی کۆمیتەی ناوەندی حیزبی دێمۆکڕاتی کوردستان و لە کادرە هەڵسووڕاوەکانی کۆماری کوردستان لە نووسەرانی ڕۆژنامەی کوردستان و جێگری سەرۆکی ئیدارەی فەرهەنگی کوردستان
دایرەی موضوع
ژمارە
بەروار
پەیوند
١٥٣١
١٢/٦/٢٥
ایدارەی فرهنگی کوردستان
شاری مهاباد
آقای حسین گلولانی
بنا بە دەستوری پێشەوای معظمی کوردستان و نظر بەوەی کە آغایانی معلمین و معلمات بتوانن لە زانستی یەکدی استفادە بکەن بۆ ئەوەی ارتباطیکی کامل لە نێوانی کارمەندانی فرهنگ پەیدا ببت و ری و شوینیکی عموموی و مرتب بو طرزی تدریس دابندری ادارەی معارفی کوردستان لە جەنابت دەعوەت دەکا کە روژی جمعەی ساعت ٩، ١٥/٦/٢٥ لە سالونی ادارەی معارف تشریفت حاضر بی و بوتشکیل دانی کنفرانسی سەرەوە برنامەییکی مرتب دابنیین-
معاون فەرهنگی کوردستان - دلشاد رسولی
ئیمزا
تێبینی: وێنەی دڵشادی ڕەسووڵی بە سپاسەوە لە کتێبی " ساوجبلاغ مکری (مهاباد) وەرگیراوە. بەڵگەکە لە ماڵپەڕی گزینگ وەرگیراوە.نوسخەیەکی دیکەی ئەو بەڵگەیە بە مۆری کۆماری کوردستانەوە لە تۆڕی کۆمەڵایەتی فەیس بووک لە سەر دیواری بەڕێز هێدی هەیە کە بەداخەوە نەمانتوانی کۆپی بکەین.
هیچ نظری موجود نیست:
ارسال یک نظر