مام ئەحمەدی ئیلاهی، ئەحمەدی حاجی ئەڵای لە ئەندامە سەرەتاییەکانی کۆمەڵەی ژێکاف و نێوی ڕێکخراوەیی لە کۆمەڵە دا ئا.ئا.ڕژدی - ٢٤ بووە. ئیلاهی لە گۆواری نێشتمان و لە ڕۆژنامەی کوردستان دا نووسینی هەیە. بە پێی قسەی ویلیام ئیگلتنی کوڕ، قازی محەمەد لە مانگی ئۆکتۆبری ١٩٤٤ لە ماڵی ئەحمەدی ئیلاهی سوێندی ئەندامەتی ژێکافی خواردووە. ئه‌حمه‌دی ئیلاهی ئه‌ندامی کۆمیته‌ی نێوه‌ندیی حیزبی دێمۆکڕاتی کوردستان و له حکوومه‌ت دا وه‌زیری ئابووری بووه. ئەم نووسینەی خوارەوە لە دوایین سێ ژمارەی نێشتمان دا کە بەیەکەوە بڵاو بوونەتەوە چاپ کراوە
نیشتمان ژماره9،8،7،ساڵی ییکه‌م، به‌هاری 1323، لاپه‌ڕه‌ی 12
آ:ڵ،ب؛ ا.ا.رژدی-24
ئاشتی
له گیتی دا به هۆی ڕێ و شوینی مرۆکی پایدار نابێت،پێویسته په‌نا برێته به‌ر قانوونێکی یه‌زدانی و ئاسمانی
زۆر چاک ده‌زانن له‌و ڕۆژه‌وه که گیتی دروست کراوه و باوک ئاده‌م له‌سه‌ر گه‌نم خواردن فڕێدرایه سه‌ر زه‌وی جه‌نگ و ئاژاوه و پشێوی له ناو ئاده‌میزاد نه‌بڕاوه‌ته‌وه. یه‌که‌م جار "قابیل"، "هابیل"ی کوشت و نرخی برا کوشتنی باو کرد، به‌م جۆره تا ئیمڕۆژ دەریایەک زۆر هه‌ڵکه‌وت (حادثه)مان پیشان ده‌دا که هه‌ر یێکه‌ی چه‌ند ساڵێک گیتی شڵه‌ژاندووه و مه‌ردومی خستۆته داماوی و زه‌بوونییه‌وه.له ئه‌نجامی هه‌ر جه‌نگێک دا بۆ ڕێکی و ئاشتێکی هه‌میشه‌یی هێندێک ڕێوشوێن داندراوه، به‌ڵام هیچ کامه‌یان نه‌یان توانیوه تا سه‌ر ئه‌م ئاره‌زووه پێک بهێنن ته‌نانه‌ت " عصبه‌الامم"ی جه‌نگی ڕابردووش که زۆر که‌س پێی دڵنیا بوو ئه‌م جه‌نگه‌ی ئێستای بۆ به‌ربه‌ست نه‌کرا.
ئه‌من له کنم وایه هه‌ر وه‌کوو قه‌وانینی به‌شه‌ری تا ئیمڕۆ نه‌یان توانیوه ئاسایشت و خۆشی له گیتی دا بڵاو بکه‌نه‌وه، له‌مه‌و دواش ئه‌و که‌لکه‌یان لێ وه‌رناگیرێت، چونکوو ده‌ستوورێکی مرۆک (به‌شه‌ر) دای بنێ عه‌داڵه‌ت و دادی یان ته‌واو تێدا نابێت یان تێشی دابێ به ته‌واوی ئیجرا ناکرێت،حه‌قی یه‌کێک ده‌درێ به یه‌کێکی دیکه، ئینجا گله‌یی له ناوا په‌یدا ده‌بێ و جه‌نگ و شه‌ڕ و شووڕ له هه‌موو گیتی دا هه‌ڵ داییسێت.دوور نه‌چین ئه‌م کوردستانه‌ی خۆمان که سیاسه‌تی ئیستیعمار خستوویه‌ته ژێر چه‌نگاڵی جه‌ور و سته‌می ده‌وڵه‌تانی تورکیا،ئێران، وعێراقی هیچ و پووچ، چاوی ووردبینی دونیای موتەمەدین گەوایە کە ماوەیێکی زۆر درێژە هیچ کامێک لەو حکوومەتانە نانی ڕەحەتیان نەخواردووە و دایما لە گۆشەیێکی کوردستاندا ئاگری هەرا وشەروشت گڕی بۆ ئاسمان بەرز بوە و گەلێک زیانی ماڵی و گیانی لەم دەوڵەتە نەگریسانە داوە بۆچی؟ لە بەر ئەوەی کورد هەستی بە مەزلوومی خۆی کردووە دەیەوێت خۆ ڕزگار بکات.
لەم چەند ذێڕانەی سەرەوە چاک دەردەکەوێ کە هەر قانوونێک بەشەر دای بنێ بۆ ئاشتی و سوڵحی گیتی کیفایەت نییەم جا بۆیە دەبێ پەنا ببرێتە بەر دەستوورێکی ئاسمانی و یەزدانی. من لەم بابەتەوە پێم وایە لە نێوان دەستوورەکانی ئاسمانی دا بۆ بڵاوکردنەوەی عەداڵەت و خۆشی لە گیتی دا هیچیان ناگەنە (دەستووری ئیسلام).لە ژمارەکانی دیکە دا لەم مەوزووعە بە درێژی دەدوێم.
تێبینی. ئەم وێنەیە بە سپاسەوە لە کتێبی "ساوجبلاغ مکری (مهاباد)" وەرگیراوە
هیچ نظری موجود نیست:
ارسال یک نظر