میرزا عه‌لی ڕیحانی له تێکۆشه‌رانی کۆمه‌ڵه‌ی ژێکاف و ئه‌ندامی ده‌سته‌ی نوێنه‌رایه‌تی کورد بۆ سه‌فه‌ری دوویه‌می باکۆ. له نوێنه‌رانی کورد له مه‌جلیسی موئه‌سه‌سانی ئازه‌ربایجان.
مه‌لا قادری موده‌ڕیسی له " کورته مێژووی دامه‌زرانی ژێکاف و چالاکییه‌کانی دا ده‌نووسێ: " ده‌کرێ وه‌ک یه‌کێک له که‌سانی زۆر هه‌ڵسووڕاو و فیداکاری کۆمه‌ڵه باسی عه‌لی ڕێحانی بکرێ. ئه‌و که‌سه تاجرێکی گه‌وره بوو و سه‌رده‌مایه‌ک له ڕه‌واندز ته‌جاڕه‌تخانه‌ی هه‌بوو .ته‌واوی دارایی خۆی له پێناو ئامانجه‌کانی کۆمه‌ڵه دادانا و کاتێک که‌سێکی ناسراو له عه‌شیره‌ته‌کان هاتبایه نێو کۆمه‌ڵه میواندارییه‌کی گه‌وره‌ی ساز ده‌کرد و هه‌موو سه‌روه‌ت خۆی له‌و پێناوه نا.له سه‌رده‌می دێمۆکڕاته‌کان له‌کار لایاندا به‌ڵام ئه‌و تا ئه‌و کاته‌ی خوڵا لێی خۆش بوو له هه‌ڵسووڕان و چالاکی له ڕێگای میلله‌ت دا ده‌ستی هه‌ڵنه‌گرت."(قادری موده‌ڕیسی،له کتێبی "نگاهی بتاریخ مهاباد" سید محمد صمدی، لاپه‌ڕه‌ی 113، 114، ساڵی 1373ی هه‌تاوی). به‌ڵام به پێچه‌وانه‌ی قادری موده‌ریسی ئیگلتن ده‌نووسێ: "قازیی محه‌مه‌د، عه‌بدولڕه‌حمانی زه‌بیحی و عه‌لی ڕیحانی نارده ته‌وڕیزێ بۆ ئه‌وه‌ی بچنه لای کۆنسوولی بریتانیا و سه‌باره‌ت به ئه‌گه‌ری دامه‌زراندنی جۆره پێوه‌ندییه‌کی ڕه‌سمی له نێوان کوردستانێکی خودموختاری داهاتوو و بریتانیا و هێزه ڕۆژئاواییه‌کانی دیکه بدوێن. ووڵامی کۆنسوول له ڕوانگه‌ی کورده‌کانه‌وه لێڵ بوو و جێی ڕه‌زایه‌ت نه‌بوو...." ئه‌وه‌ش نیشان ده‌دا له سه‌ر ده‌می حیزبی دێمۆکڕات و کۆماریش دا میرزا عه‌لی ڕیحانی له کاربه‌ده‌ستان وجێی باوه‌ر بووه بۆیه ئه‌ركێکی ئاوا گرینگی پێ ئه‌سپێردراوه
تێبینی: ئه‌م وێنه‌یه به سپاسه‌وه له کتێبی " ساوجبلاغ مکری"(مهاباد)وه‌رگیراوه، ئه‌ویش له ئاڕشیڤی سه‌ید عوبه‌یدیلای ئه‌ییووبیانی وه‌رگرتووه.
هیچ نظری موجود نیست:
ارسال یک نظر