سەبارەت بە ڕێوڕەسمی میری نەورۆزی سەید عوبەیدیلای ئەیوبیان نامیلکەیەکی بڵاو کردووەتەوە و کاتی خۆی لە ڕۆژنامەی "کوهستان"ی چاپی تارانیش دا بۆ بەرپەرچدانەوەی دەنگۆبڵاوکردنەوە ونێونرتکە لێدان لە کورد نووسراوەیەک بە نێوی " با میر نوروزی شوخی نکنید " بڵاو کراوەتەوە.ئەم وێنەیە بە سپاسەوە لە کتێبی : ساوجبلاغ مکری (مهاباد ) وەرگیراوە. نووسەر دیاریی کردووە کە وێنەکەی لە کتێبی نەجەفقوڵی پسیان وەرگرتووە و سەرچاوەی ئاگاداری سەبارەت بە بەرواری هەڵگیران و نێوی کەسەکانی نێو وێنەکەی باس نەکردووە، بەڵام زۆر وێدەچێ ئەو زانیارییانە لە لایەن ڕەحمەتی سەید عوبەیدیلای ئەیووبیان ڕا درابێ.لە سەرئاڵاکە نووسراوە: " بمری ئەو کەسەی کە مانعی آزادی کوردە". شەرحی وێنەکە ئاوا نووسراوە:
ڕێوڕەسمی میری نەورۆزی لە مەهابادێ . ١٥/٥/١٣٢٤ کۆچی هەتاوی- چوارەمین ساڵی دامەزرانی کۆمەڵەی ژیانی کورد، بینای نێوەندیی کۆمەڵەی ژیانی کورد- خانووبەرەی دوکتور وێنەتان - وێنەکە لە لایەن پەرویزی خانی سەییادیانەوە هەڵگیراوە (سەرچاوە: لە مەهابادی خوێناوییەوە تا قەراغەکانی ئاراز- نەجەفقوڵی پێسیان)
لە ڕاستەوە: ١- کاکە مینە ٢- کاک مستەفا ٣- ناجی خانی ئەرجومەندی (تاهیری ئازەر) ٤- سەید عوبەیدیللای ئەیوبیانی مەرکەزی ٥- ڕەحمانی کابانی ٦- خەلیلی سەدیقی (ئاوات) ٧- مستەفای بارنجی ٩- غالبی دەبباغی ١٠- مستەفای سەلیمی ١١- هاشمی نانەوازادەگان (بەهار)١٢- قادری ڕیحانی (لاو)١٣- سولەیمانی شافیعی ١٤-حوسێنی فەتتاحی قازی (ماموسێن)١٥- فەتتاحی حامیدی ١٦- کاک ئەحمەد (ئەحمەدی وسوەکوتکەی)
ڕێکەوتی دامەزرانی کۆمەڵەی ژێکاف ٢٥ی گەلاوێژی ١٣٢١ /١٦ی ئووتی ١٩٤٢ یە، نەک بەوجۆرەی لە سەرەوە دا هاتووە.
هیچ نظری موجود نیست:
ارسال یک نظر