وێنەی سەید محەمەدی تەهازادە لە سەردەمی ئەندامەتی لە کۆمەڵەی ژ.ک. دا
ڕۆژنامه‌ی کوردستان، ژماره‌ی 12،
شه‌مۆ 20ی ڕێبه‌ندانی 1324ی هه‌تاوی/ 4- ی فێڤرییه‌ی 1946
جێژنی سه‌ربه‌خۆیی و ئیستیقلالی
کوردستان، کۆکه‌ره‌وه: سه‌ییف محه‌مه‌دی حه‌میدی
و: مقاله (ووتاری) ئاغای سه‌یید
محه‌مه‌دی ته‌ها زاده [ له بۆنه‌ی دووی ڕێبه‌ندان دا ]
بسم الله الرحمن الرحیم
ئاغایانی موحته‌ڕه‌م، برایانی
خۆشه‌ویست! ئه‌وڕۆ ڕۆژێکی زۆر مباره‌که، ڕۆژێکی تاریخی یه. تا ئه‌وڕۆکه دایکی
نیشتمانی کوردستان وای به‌خۆیه‌وه نه‌دیوه که‌کوڕه کوڕه‌کانی به شادی و که‌یف
خۆشی له ده‌ور و نه‌ری دا کۆ بوونه‌وه و له هات و چۆ دان و به قا قا پێ ده‌که‌نن،
داوه‌تیانه و هه‌وری نه‌گبه‌ت و چاره‌ڕه‌شی به نووکی قه‌ڵه‌می ڕووناک فکران و به
زۆری باسکی لاوه به غیره‌ته‌کان زنجیری دئلی و به‌دبه‌ختییان له ئه‌ستۆی داڕنیوه و چاوی به فرمێسکی به ده‌سره‌ی خۆشه‌ویستی ده‌ستڕنه‌وه، ڕۆڵه ده‌نگخۆشه‌کانی وورده
برینی خوێ پێ وه‌رکراوی ده‌رمان ده‌که‌ن به چه‌پڵه ڕێزان و شادی له نێو خۆیانی
ده‌گرن به ته‌نته‌نه و جه‌لال له ده‌وره‌ی دا به زه‌ماوه‌ند مه‌شغووڵن.جا چ
ڕۆژی وا خۆش هه‌یه یا چ وه‌خت و ساتی به قیمه‌ت و به‌رز بیندراو - ده‌بێ قه‌دری بزانین و بۆ به‌رقه‌راری و ڕاوه‌ستانی
ده‌سته‌و دۆعا ڕوو به قیبله ڕاوه‌ستین و به ده‌نگێکی به‌رز له خودای بێ هاوتا
ته‌مه‌نا بکه‌ین ئه‌و ڕۆژه‌مان لێ پیرۆز کا و تا زه‌مانی به‌ر وبوو درێژ بۆمان
ڕاوه‌ستا و به‌رقه‌رار بکا – ئامین.
وه یێکیش ده‌مه‌وێ موخته‌سه‌رێک
له زه‌مانی چاره‌ڕه‌شی و به‌دبه‌ختی دایکی نیشتمان که کوردستانه که به سه‌ر
گه‌نجه ئازا و خوێن گه‌رمه‌کانی هاتووه
به‌یان بکه‌م.
ساڵه‌های ساڵه په‌نجه‌ی
ئیستیبداد و دیکتاتۆری گه‌رووی دایک و بابی ئێمه ڕێک ده‌کوشێ. ڕۆچنمه‌ی ڕووناکیی
ئێمه به په‌رده‌ی زوڵم داده‌پۆشێ، ده‌ستی مه‌ردانه‌گی و ئیتیحادی ئێمه به
زنجیر ده‌به‌ستێ و ڕێگای جاده‌ی سه‌رکه‌وتنی ئێمه‌یان به‌و ده‌رده ده‌بردم چاڵاوی
دووبه‌ره‌کی و نیفاقیان له سه‌ری ئێمه هه‌ڵ ده‌قه‌ند. چاوی تیژبینی ئێمه‌یان ڕه‌شایی
په‌رده‌ی زوڵمه‌تی نادانی دایان ده‌پۆشی، ڕێگای نه‌جات و ته‌ڕه‌قییان لێ وون ده‌کردین
و تووشی هه‌زاران ئه‌شکه‌وتی تاریک و چاڵاوی بێ بن و مه‌وجی ده‌ریای به‌دبه‌ختی و
چاره‌ڕه‌شییان ده‌کردین، هه‌رچی حه‌ول ده‌درا ڕێگای نه‌جات غه‌یری مومکین بوو وه‌کوو عه‌رزوو ده‌که‌م؛به‌وهه‌موو ده‌ردی سه‌ی
و به‌دبه‌ختی دووباره خوێنی گه‌رم و پاک له ڕه‌گی کورده‌واری دا به جونبیش ده‌هات،
که‌مه‌ری مه‌ردانه‌گییان ده‌به‌ست و ڕۆڵه ڕه‌شیده‌کانی میلله‌ت ده ته‌قه‌لا ده‌که‌وتن
و ده‌ستیان ده‌کرد به نێهزه‌تی زۆر به هێز و تا دوایین هه‌ناسه‌ی ژیانیان پایه‌دارییان
ده‌کرد.
وه‌کوو نێهزه‌تی شێخ عوبه‌یدیلا
که لاپه‌ڕه به‌رزه‌کانی مءژوو شاهیدی فیداکاری و جانبازی وین که تا ئاخر هه‌ناسه
ژیانی عومری خۆی به هه‌ده‌ر ڕانه‌بوارد. شوهه‌دای کوردی شیمال به خوێنی خۆیان
خاکی کورده‌وارییان ڕه‌نگاندووه. قیامی شێخ سه‌عید که له ڕێی ئازادیی میلله‌ت و
خاک و خۆڵی کوردستان دا که‌ردنی خۆی ته‌سلیمی ته‌نافی که‌ماڵی بێ که‌ماڵ کرد، یا
خێر شێخ عه‌بدولقادری شه‌مزینی تا ئاخر نه‌فه‌سی پایرداری کرد و تا ده‌ره‌جه‌یه‌ک حازر به فیدای ڕێ بوو وه‌کوو حه‌زره‌تی ئیبڕاهیم به ئه‌مری خودای ته‌عالا
کوڕی خۆی حه‌زره‌تی ئیسماعیلی حازر کرد بۆ قوربانی له ڕێی خودای خۆی دا. ئه‌ویش
له پێش هه‌موو که‌ش دا ڕه‌وشی ئه‌و زاته ،وقه‌ده‌سه‌ی کرده سه‌رمه‌شق ، بۆ میلله‌تی با شه‌هامه‌تی
کورد حازر بوو له ڕێی ئازادی و سه‌ربه‌ستی میلله‌ت دا کوڕی خۆی سه‌یید محه‌مه‌د
ئه‌فه‌ندی کرد به قوربانی و به ڕشته‌ی ته‌نافی بێ مرووه‌ت که‌ماڵی بێ که‌ماڵ له
ته‌ناف درا. وه‌کوو ئێلی جه‌لالی ته‌واوی پیاوه گه‌وره‌کانیان خۆیان فیدای میلله‌ت
کرد و منداڵه چووکه‌کان و بێ ده‌سه‌ڵاته‌کانیان ده‌ربه‌ده‌ر و ته‌فره‌قه بوون بۆ
ووڵاتی بێگانه. سماییل ئاغای سمیتکۆ قه‌هره‌مانی ڕه‌شید و به ناوبانگی میلله‌تی
کورد به فێڵ و فریو به ده‌ستی ده‌وڵه‌تی ئیستیبدادی ئێران له به‌ین چوو.
ده‌سته گوڵی 6ی ئه‌یلوول، که له‌و
ڕۆژه دا چه‌ند منداڵ و لاوی بێ گوناه وه‌به‌ر موسه‌لسه‌ل وده‌سر ڕێژی تفه‌نگی ده‌وڵه‌تی
موسته‌بیدی عێڕاق دران. هه‌زاره‌ها وێنه‌ی خوێنرێژی و زوڵم و زۆر و ته‌فره‌قه و
بڵاوکردنه‌وه‌ی میلله‌تی کورد هه‌یه که زمان له کوتن و قه‌ڵه‌م له نووسین
قاسیره که شه‌رحی بده‌م. وه‌لی له به‌رابه‌ری ئه‌و هه‌موو زوڵم و ده‌ردی سه‌ری
و به‌دبه‌ختی و چاره‌ڕه‌شییه دا خودای بێ هاوتا ڕه‌حمی کرد ئه‌ستێره‌ی ئیقباڵی
میلله‌تی کورد له گۆشه‌ی ئاسمانی کوردستان دا تلووعی کرد ، ته‌پڵی به‌شاره‌ت
ئاوازه‌ی بڵیند کرده‌وه و مزگێنی ئازادی به گوێی ته‌واوی کورد و کورده‌واری دا
دا.وه یێکیش شتێکی دی هه‌یه ژه ده‌بێ بۆ هه‌وه‌ڵ جار به خه‌تی زێڕین له سه‌فحه‌ی مءژوو دا بنووسرێ که مه‌ڕامی ڕه‌هبه‌ر
و کارگه‌ره‌کانی حیزبی دێمۆکڕات ئه‌وه بوو که ئازادی به بێ خوێن ڕێژی نه‌سیبی
میلله‌تی کورد بێ و دۆست یا به‌رهه‌ڵسته‌کانی حیزب به چاوی برایه‌تی و یه‌کێتی ته‌ماشا
کراوه.
---------------------------------------------------------------------------------
یه‌کێکی دیکه له شانازییه‌کانی محه‌مه‌دی ته‌ها زاده ئه‌وه‌یه له ئاگادارییه‌ک دا به ئیمزای وی ڕه‌سمییه‌تی زمانی کوردی ڕاگه‌ێیندراوه. کوردستان له ژماره‌ی 1، پێنجشه‌مۆ 20- 10 - 1324 ی هه‌تاوی / 11ی ژانڤییه‌ی 1946 به‌ر له ڕاگه‌یاندنی کۆمار ئاگادارییه‌کی به‌م ناوه‌ڕۆکه‌وه بڵاو کردووه‌ته‌وه:
" به ته‌واوی ئه‌هالی خۆشه‌ویستی (سابڵاغ) ڕاده‌گه‌یێندرێت - له سه‌ر ئه‌مری پێشه‌وای موعه‌زه‌م و قه‌راری حیزبی دێمۆکڕاتی کوردستان له‌وه‌ی به‌ولاوه پێویسته بۆ په‌ره پێدان و ڕه‌واجی زمانی کوردی خوێندن له مه‌دره‌سه‌کان دا به کوردی یه. له‌و تاریخه‌وه تا ده 10 ڕۆژی دیکه هه‌رکه‌س کوڕ و کچی هه‌بێ که عومری ئیقتیزای خوێندن بکا ده‌بێ بینێرێته مه‌دره‌سه.ئه‌ڵبه‌ته هه‌ر که‌س له‌و ئه‌مره ڕوو وه‌رگێڕێ به توندترین موجازات ته‌نبێ ده‌کرێ.
کۆمیته‌ی مه‌رکه‌زی حیزبی دێمۆکڕاتی کوردستان
موعاونی حیزب، ته‌هازاده
---------------------------------------------------------------------------------
یه‌کێکی دیکه له شانازییه‌کانی محه‌مه‌دی ته‌ها زاده ئه‌وه‌یه له ئاگادارییه‌ک دا به ئیمزای وی ڕه‌سمییه‌تی زمانی کوردی ڕاگه‌ێیندراوه. کوردستان له ژماره‌ی 1، پێنجشه‌مۆ 20- 10 - 1324 ی هه‌تاوی / 11ی ژانڤییه‌ی 1946 به‌ر له ڕاگه‌یاندنی کۆمار ئاگادارییه‌کی به‌م ناوه‌ڕۆکه‌وه بڵاو کردووه‌ته‌وه:
" به ته‌واوی ئه‌هالی خۆشه‌ویستی (سابڵاغ) ڕاده‌گه‌یێندرێت - له سه‌ر ئه‌مری پێشه‌وای موعه‌زه‌م و قه‌راری حیزبی دێمۆکڕاتی کوردستان له‌وه‌ی به‌ولاوه پێویسته بۆ په‌ره پێدان و ڕه‌واجی زمانی کوردی خوێندن له مه‌دره‌سه‌کان دا به کوردی یه. له‌و تاریخه‌وه تا ده 10 ڕۆژی دیکه هه‌رکه‌س کوڕ و کچی هه‌بێ که عومری ئیقتیزای خوێندن بکا ده‌بێ بینێرێته مه‌دره‌سه.ئه‌ڵبه‌ته هه‌ر که‌س له‌و ئه‌مره ڕوو وه‌رگێڕێ به توندترین موجازات ته‌نبێ ده‌کرێ.
کۆمیته‌ی مه‌رکه‌زی حیزبی دێمۆکڕاتی کوردستان
موعاونی حیزب، ته‌هازاده
تێبینی: وێنه‌ی سه‌ید محه‌مه‌دی
ته‌هازاده ( موعاونی حیزبی دێمۆکڕاتی کوردستان) به سپاسه‌وه له دیواری فه‌یس
بووکی ڕێزدار سه‌یید عه‌بدوڵای سه‌مه‌دی ڕا ڕاگوێزراوه. وێنه‌که له‌مه‌ڕ ئاڕشیڤی
نه‌مر عوبه‌یدیلای ئه‌ییوبیان ه.
هیچ نظری موجود نیست:
ارسال یک نظر