۱۳۹۷ دی ۱۷, دوشنبه

سەربەرگی جزمی یەکەمی دیوانی قانع، چاپی سەردەمی جمهووری کوردستان


سەربەرگی جزمی یەکەم  لە دیوانی قانع کە لە سەردەمی جمهووری لە بۆکان چاپکراوە.

تێبینی : وا دیارە ئەو سەربەرگە لە ئاڕشیڤی نەمر سەید عوبەیدیلا ئەیووبیان دا بووە بۆیە  لە لای سەرەوەی  لاپەڕەکە مۆری خۆی پێوە ناوە 

۱۳۹۷ دی ۱۳, پنجشنبه

بەڵگەیەکی نوێی حیزبی دێمۆکڕاتی کوردستان لە سەردەمی جمهووری


ژمارە ١٢٤
بەروار  ١٦/ ١٢ /٢٤  [ ٧/٣/١٩٤٦]
ئێمبلێم
حیزبی دێمۆکڕاتی کوردستان
کۆمیتەی مەحەلی
لکی شنۆ
فەرمایشی برای خۆشەویست ئاغای حوسێن فرووهەر –
بە وەسیلەی سیمی نەغەدە – جەنابی قازی سەدری کۆمیتەی شنۆ – لە سەر ئەمری ( ڕیاسەتی جمهووری کوردستان) بە تەواوی  ئەو ئاغایانەی کە ماڵی بارزانیانیان لە کنە  خەبەر بدە کە نیسبەت بەو ماڵانە لە حەیسی
سووختەنی، تفاق، نان ، موساعەدە و کومەکیان پێ بکەن وە نەیەڵن ئەو چەند ڕۆژانەی کە لە کن مە ماون  زەیقەت بینین و هەر ئاغایەکی خودداری کرد بە مەرکەزی بناسێنن
حوسێن فرووهەر
١٦/١٢/٢٤  / ٨١٧    عەینی فەرمایشی برای خۆشەویست ئاغای حوسێن فرووهەر بە تەواوی ئاغایانی دێهاتی شنۆیێ ئیبلاغ دەکرێ . پێویستە ئەمری موبارەکی حەزرەتی پێشەوای موعەزەم بە کەماڵی ڕووخۆشی ئەنجام بدرێ.
سەدری کۆمیتەی مەحەلیی شنۆ  قازیی خزری
مۆری لکی شنۆی حیزبی دێمۆکڕاتی کوردستان
ئیمزا  لە سەر مۆرەکە

تێبینی : ئەو بەڵگەیە بەڕێز ئازاد ئێلخانی زادە لە لاپەڕەی فەیس بووکەکەیدا ئەمڕۆ ٣-ی ژانڤییەی ٢٠١٩ بڵاوی کردووەتەوە. حوسێنی فرووهەر ( زێڕینگەران) ئەندامی ژمارە یەکی ژێکاف و تا ئۆکتۆبری ١٩٤٤ سەرۆکی ئەو کۆمەڵەیە بووە . لە سەردەمی جمهووری دا ئەندامی کۆمیتەی شاریی حیزبی دێمۆکراتی کوردستان بووە و دەورێکی سەرەکی گێڕاوە لە ڕێوڕەسمەکانی هەڵکردنی ئاڵا لە بۆکان، نەغەدە ، شنو و هەر وەها لە کۆ کردنەوە و دەبەرخوێندن نانی منداڵانی بێ دایکوباب، دوای ڕووخانی جمهووری بە ساڵان لە زیندانەکانی پەهلەوی دووەم دا بووە وتا ئاخر ڕۆژی ژیانی لە پێناو بیروباوەری دا قەت کۆڵی نەداوە.  قازیی خزری سەدری کۆمیتەی محەلی حیزبی دێمۆکڕاتی کوردستان لە شنۆ یەکێک لە ئەندامانی دەستەی نوێنەرایەتی جمهووری کوردستان بووە بۆ ئیمزای پەیمانی دۆستایەتی کوردستان و ئازەربایجان لە تەورێز.

۱۳۹۷ آذر ۲۲, پنجشنبه

هێزی پێشمەرگەی کوردستان لە تەورێز بۆ بەڕێ کردنی ئەڕتەشی سوور







بەشداری هێزی پێشمەرگەی جمهووری کوردستان لە ڕێوڕەسمی ماڵاوایی و چوونەوەی ئەڕتەشی سووری شووڕەوی لە تەورێز لە ٧-ی بامەڕی ١٣٢٥ / ٢٧-ئاوریلی ١٩٤٦. سەید محەمەد تەهازادە و سەدیق حەیدەری سەرپەرستی ئەو هەیئەتەی کوردستان و دانی دیاری بە ئەڕتەشی سوور بوون
تێبینی : ئەو وێنانە لە فیلمێک وەرگێراون کە لە سایتێکی ئەمریکایی دا بڵاو کراوەتەوە 

۱۳۹۷ آذر ۱۷, شنبه

سەعید هومایوون و سەید عوبەیدیلا ئەیووبیان


لە ڕاستەوە : سەعید هومایوون ( ئاجودانی پێشەوا قازیی محەمەد ) و سەید عوبەیدیلای ئەیووبیان  لە سەر دەمی کۆماری کوردستان دا . سەعید هومایوون لە سەفەری پێشەوا بۆ تاران و دیدار لە تەک قەواموسەلتەنە دا  لەگەڵی بووە و لە کتێبی بیرەوەرییەکانیدا ( پیشوای بیداری ) ئاماژەی بەو سەفەرە کردووە. ناوەرۆکی ئەو قسانەی لەو دیدارە دا هاتوونە گۆڕێ و ئەو بەڵێێنانەی حکوومەتی ناوەندی داویەتی تا ئێستا بە تەواوی ڕوون نەبووەتەوە.
تێبینی : ئەو وێنەیە موحیب مەهابادی لە تۆڕی  فەیس بووک دا بڵاوی کردووەتەوە.

۱۳۹۷ آبان ۲۸, دوشنبه

وێنەیەکی مەلا مستەفا بارزانی لە سەردەمی جمهووری کوردستان دا

وێنەیەکی کەم بینراوی مەلا مستەفای بارزانی لە سەر دەمی کۆماری کوردستان لە مەهاباد ، ئەو کەسە ردێن سپییەی لە شانی ڕاستی مەلا مستەفا دەبیندرێ دەکرێ قازیی موکری بێ. ئەو ئەفسەرەش کە لە پشت سەری مەلا مستەفا ڕاوەستاوە سماییل خانی فەروخی یە. بە داخەوە کەسەکانی دیکەمان بۆ نەناسرایەوە. زۆر سپاسی بەڕێز کاک دەرسیم ئۆرەمار دەکەین کە ئەم وێنەیەی بۆ ' 'وێنەی کۆماری کوردستان ' ناردووە. لە خوارەوە بەشێک لە ژیاننامەی سمایل خانی فەڕوخی دەخوێننەوە.

" به‌ دوای دامه‌زرانی حیزبی دێمۆکڕاتی کوردستانی ئێران [ دیاره‌ ئه‌و ده‌می ووشه‌ی 'ئێران' به‌شێک نه‌بووه‌ له‌ ناوی ئه‌و حیزبه‌.ح.ق.] ده‌چێته‌ ناو ئه‌و حیزبه‌وه‌ و له‌ سه‌رده‌می کۆماری مه‌هاباد ده‌بێته‌ فه‌رمانده‌ری هێزی حیزب له‌ سایین قه‌ڵا. پێش تێکچوونی کۆمار له‌ حیزب دێته‌ ده‌رێ و ده‌چێت بۆ ته‌ورێز و له‌ سه‌رده‌می کۆماری ئازه‌ربایجان دا هه‌ر له‌وێ دووکانێکی وێنه‌گری ده‌کاته‌وه‌. دوای تێکچوونی کۆماری ئازه‌ربایجان له‌ ته‌ورێز ده‌گیرێت و ده‌خرێته‌ زیندان. دوای ماوه‌یه‌ک له‌ زیندانی ته‌ورێزه‌وه‌ ده‌گوێزرێته‌وه‌ بۆ زیندانی ورمێ. دوای ئازاد بوونی له‌ زیندانی ورمێ هه‌ر له‌و شاره‌ دووکان داده‌نێت. له‌ سه‌ر داوای خزم و که‌س له‌ ورمێ وه‌ دێته‌وه‌ بۆ کوردستان و له‌ شاری سه‌قز نیشته‌جێ ده‌بێ و له‌وێشه‌وه‌ ده‌گه‌ڕێته‌وه‌ بۆ بۆکان و دوای ماوه‌یه‌ک بۆ تاران کۆچ ده‌کا و هاوکات له‌ تاران دوو دووکانی وێنه‌گری ده‌بێت. دوای مانه‌وه‌ی چه‌ند ساڵێک له‌ تاران وورده‌ وورده‌ پیری ڕوی تێ ده‌کا و ده‌گه‌ڕێته‌وه‌ بۆ بۆکان و دوای چه‌ند جار دووکان دانان له‌ بۆکان بۆ ئاخرین جار له‌ ناو بۆتکه‌ی ئاسنی دا هه‌تا ئاخرین ڕۆژه‌کانی ته‌مه‌نی وێنه‌گری ده‌کا.
م. فەروخی "

۱۳۹۷ مهر ۸, یکشنبه

سەربەرگی یەکێک لە ژمارەکانی گۆواری ' هەڵاڵە' کە لە سەردەمی جمهووری کوردستان دا لە بۆکان دەردەکەوت

                   سەربەرگی یەکێک لە ژمارەکانی گۆواری ' هەڵاڵە '
                    حەسەن قزڵجی سەرنووسەری ئەم گۆوارە بوو